ഷി​ക്കാ​ഗോ: സെ​ന്‍റ് മേ​രീ​സ് ക്നാ​നാ​യ ക​ത്തോ​ലി​ക്കാ ദേ​വാ​ല​യ​ത്തി​ലെ ചെ​റു​പു​ഷ്പ മി​ഷ​ൻ ലീ​ഗ് (സി​എം​എ​ൽ) യൂ​ണി​റ്റി​ന്‍റെ നേ​തൃ​ത്വ​ത്തി​ൽ വ​രാ​നി​രി​ക്കു​ന്ന ക്രി​സ്മ​സ് ആ​ഘോ​ഷ​ങ്ങ​ളോ​ട് അ​നു​ബ​ന്ധി​ച്ച് "സി​എം​എ​ൽ - അ​രോ​ഹ 25' എ​ന്ന കാ​രു​ണ്യ പ്ര​വ​ർ​ത്ത​ന​ത്തി​ന് തു​ട​ക്കം കു​റി​ച്ചു.

ക്രി​സ്മ​സ് ഗ്രീ​റ്റിം​ഗ് കാ​ർ​ഡു​ക​ൾ, ദേ​വാ​ല​യ​ത്തി​ന്‍റെ ഹോ​ൾ​വേ​യി​ൽ സ​ജീ​ക​രി​ച്ചി​രി​ക്കു​ന്ന പ്ര​ത്യേ​ക ബോ​ക്സി​ൽ ഡി​സം​ബ​ർ ഏ​ഴ് മു​ത​ൽ നി​ക്ഷേ​പി​ച്ചു തു​ട​ങ്ങി. ഈ ​പ​ദ്ധ​തി​യു​ടെ ഭാ​ഗ​മാ​യി 21ന് ​ഇ​ട​വ​ക ദേ​വാ​ല​യ പ​രി​സ​ര​പ്ര​ദേ​ശ​ങ്ങ​ളി​ലു​ള്ള വൃ​ദ്ധ​സ​ദ​ന​ങ്ങ​ൾ സി​എം​എ​ൽ കു​ട്ടി​ക​ൾ സ​ന്ദ​ർ​ശി​ച്ച് ക്രി​സ്മ​സ് കാ​ര​ളു​ക​ൾ ആ​ല​പി​ക്കു​ക​യും അ​വ​ർ ത​യാ​റാ​ക്കി​യ ഗ്രീ​റ്റിം​ഗ് കാ​ർ​ഡു​ക​ൾ വി​ത​ര​ണം ചെ​യ്യു​ക​യും ചെ​യ്യും.

ഇ​തോ​ടൊ​പ്പം ഫാ​മി​ലി ഗ്രീ​റ്റിം​ഗ് കാ​ർ​ഡ് മേ​ക്കിം​ഗ് ച​ല​ഞ്ചും സം​ഘ​ടി​പ്പി​ച്ചി​ട്ടു​ണ്ട്. മി​ഷ​ൻ ലീ​ഗ് യൂ​ണി​റ്റ് വി​ത​ര​ണം ചെ​യ്ത പ്ലെ​യി​ൻ കാ​ർ​ഡ് കി​റ്റു​ക​ൾ കു​ടും​ബ​ങ്ങ​ൾ ചേ​ർ​ന്ന് സൃ​ഷ്ടി​പ​ര​മാ​യ​തും അ​ർ​ഥ​വ​ത്ത​രു​മാ​യ രീ​തി​യി​ൽ ത​യാ​റാ​ക്കി സി​എം​എ​ൽ ബോ​ക്സി​ൽ നി​ക്ഷേ​പി​ക്കു​ന്ന കു​ടും​ബ​ങ്ങ​ൾ​ക്ക് ക്രി​സ്മ​സ് രാ​ത്രി പ്ര​ത്യേ​ക സ​മ്മാ​ന​ങ്ങ​ളും ഏ​ർ​പ്പെ​ടു​ത്തി​യി​ട്ടു​ണ്ട്.

“സ്നേ​ഹ​വും ദ​യ​യും ഒ​രി​ക്ക​ലും പാ​ഴാ​കു​ന്നി​ല്ല; അ​വ എ​പ്പോ​ഴും മാ​റ്റം സൃ​ഷ്ടി​ക്കു​ന്നു” എ​ന്ന പ്ര​മേ​യ​ത്തോ​ടെ സി​എം​എ​ൽ സെ​ക്ര​ട്ട​റി ഷോ​ബി​ൻ ക​ണ്ണ​മ്പ​ള്ളി മാ​താ​പി​താ​ക്ക​ളെ അ​ഭി​സം​ബോ​ധ​ന ചെ​യ്ത് സം​സാ​രി​ച്ചു. ഈ ​കാ​രു​ണ്യ പ്ര​വ​ർ​ത്ത​ന​ത്തി​ൽ എ​ല്ലാ കു​ട്ടി​ക​ളെ​യും സ​ജീ​വ​മാ​യി പ​ങ്കാ​ളി​ക​ളാ​ക്ക​ണ​മെ​ന്ന് അ​ദ്ദേ​ഹം അ​ഭ്യ​ർ​ഥി​ച്ചു.